உயர்தரப் பரீட்சை (G.C.E. A/L) செயன்முறைப் பரீட்சை அட்டவணை வெளியீடு

2026 கல்விப் பொதுத் தராதரப் பத்திர உயர்தரப் பரீட்சையின் (G.C.E. A/L) செயன்முறைப் பரீட்சைகள் நடைபெறவுள்ளதாக இலங்கைப் பரீட்சைகள் திணைக்களம் தெரிவித்துள்ளது.

உயர்தரப் பரீட்சையின் எழுத்துப் பரீட்சைக்குத் தோற்றிய விண்ணப்பதாரர்களுக்கான செயன்முறைப் பரீட்சைகள் நாடளாவிய ரீதியில் நடத்துவதற்கான ஏற்பாடுகள் செய்யப்பட்டுள்ளன.

அதன்படி, 2026.09.24 முதல் 2026.10.03 வரை பின்வரும் பாடங்களுக்கான செயன்முறைப் பரீட்சைகள் நடைபெறவுள்ளன:

• நடனம் (உள்நாட்டு)
• நடனம் (பரதம்)
• இசை (கிழக்கு)
• இசை (கர்நாடக)
• இசை (மேற்கு)
• நாடகமும் அரங்கக் கலையும் (சிங்களம்)
• நாடகமும் அரங்கக் கலையும் (தமிழ்)
• நாடகமும் அரங்கக் கலையும் (ஆங்கிலம்)

மேலும், பொறியியல் தொழில்நுட்பவியல் பாடத்திற்கான செயன்முறைப் பரீட்சை 2026.09.30 முதல் 2026.10.10 வரை, குடும்பப் பொருளியல் பாடத்திற்கான பரீட்சை 2026.10.10 முதல் 2026.10.20 வரை, உயிரியல் முறைமைகள் தொழில்நுட்பவியல் பாடத்திற்கான பரீட்சை 2026.10.17 முதல் 2026.10.21 வரை நடைபெறவுள்ளன.

மேற்கண்ட பாடங்களுக்கான பாடசாலை விண்ணப்பதாரர்களின் அனுமதி அட்டைகள் சம்பந்தப்பட்ட பாடசாலைகளின் அதிபர்களுக்கும், தனிப்பட்ட விண்ணப்பதாரர்களின் அனுமதி அட்டைகள் விண்ணப்பத்தில் குறிப்பிடப்பட்டுள்ள முகவரிக்கும், செயன்முறைப் பரீட்சைகள் ஆரம்பிக்கப்படுவதற்கு முன்னர் கிடைக்கும் வகையில் தபால் மூலம் அனுப்பி வைக்க நடவடிக்கை எடுக்கப்பட்டுள்ளதாக இலங்கைப் பரீட்சைகள் திணைக்களம் தெரிவித்துள்ளது.

மேலும், பரீட்சைகள் திணைக்களத்தின் உத்தியோகபூர்வ இணையத்தளத்திற்குச் சென்று, சம்பந்தப்பட்ட செயன்முறைப் பரீட்சை ஆரம்பிக்கப்படுவதற்கு 7 நாட்களுக்கு முன்னர் முதல் அனுமதி அட்டையைப் பதிவிறக்கம் செய்வதற்கான வசதியும் ஏற்படுத்தப்பட்டுள்ளது.

இது தொடர்பாக ஏதேனும் விசாரணைகள் இருப்பின், இலங்கைப் பரீட்சைகள் திணைக்களத்தைப் பின்வரும் தொலைபேசி இலக்கங்கள் ஊடாகத் தொடர்புகொள்ளலாம்.

அவசர தொலைபேசி: 1911